தாளவாடி மலைப்பகுதியில் விவசாய தோட்டத்திற்குள் முகாமிட்டுள்ள புலியை விரட்டும் பணியில், வனத்துறையினர் தீவிரம் காட்டி வருகின்றனர்.
ஈரோடு மாவட்டம் சத்தியமங்கலத்தை அடுத்துள்ள தாளவாடி மலைப்பகுதியில், வனப்பகுதியில் இருந்து வெளியேறிய புலி, விவசாய தோட்டத்திற்குள் புகுந்துள்ளது, பொதுமக்கள் மற்றும் விவசாயிகளிடையே பெரும் அச்சத்தை ஏற்படுத்தியுள்ளது. இது குறித்து ஜீரஹள்ளி வனத்துறை ஊழியர்களுக்கு தகவல் தெரிவிக்கப்பட்டதை அடுத்து, சம்பவ இடத்துக்கு வந்த அவர்கள், பொதுமக்கள் யாரும் புலியின் அருகே செல்லாதபடி பாதுகாப்பு பணியில் ஈடுபட்டு வருகின்றனர். இரவு நேரத்தில், வனப்பகுதிக்குள் புலி செல்ல வாய்ப்புள்ளதாகவும் வனத்துறையினர் தெரிவித்துள்ளனர்.