பள்ளியின் முதல் தளத்தின் முற்றம் இடிந்து விழுந்ததில் மூன்று மாணவர்கள் படுகாயம்

மதுரையில் மேல்நிலைப் பள்ளியின் முதல் தளத்தின் முற்றம் இடிந்து விழுந்ததில் மாணவர்கள் 3 பேர் காயமடைந்தனர்.

மீனாட்சி அம்மன் கோயிலுக்கு அருகே செயல்படும் மேல்நிலை பள்ளியில் மாணவர்கள் வழக்கம்போல வகுப்பறைக்கு சென்று கொண்டிருந்தனர். அப்போது திடீரென பள்ளியின் முதல் தளத்தின் முற்றம் இடிந்து விழுந்தது. இதில் அங்கு நின்று கொண்டிருந்த மாணவர்கள் 3 பேருக்கு காயம் ஏற்பட்டது. உடனடியாக அவர்கள் அரசு ராஜாஜி மருத்துவமனைக்கு அனுப்பி வைக்கப்பட்டு, சிகிச்சை அளிக்கப்பட்டது. 2 மாணவர்கள் தீவிர சிகிச்சைப் பிரிவில் உள்ளனர். இந்த சம்பவத்தால், அப்பகுதியில் பரபரப்பான சூழல் ஏற்பட்டது. இதுகுறித்து காவல் துறையினர் வழக்குப்பதிவு செய்து விசாரணை மேற்கொண்டு வருகின்றனர்.