அண்டை நாடுகளிலிருந்து சட்டவிரோதமாக இந்தியாவிற்குள் நுழைந்தவர்கள் அனைவரும் திருப்பி அனுப்பப்படுவர் என உள்துறை அமைச்சர் அமித் ஷா உறுதியளித்துள்ளார். உள்துறை அமைச்சராக பதவியேற்றது முதல் பல்வேறு அதிரடி அறிவிப்புகளை அமித் ஷா வெளியிட்டு வருகிறார். கடந்த சில நாட்களுக்கு முன்பு , ஜம்மு காஷ்மீருக்கு சிறப்பு அதிகாரம் அளிக்கும் சட்டப்பிரிவு 370 ஐ ரத்துசெய்வது உறுதி என்று தெரிவித்திருந்தார்.
இந்நிலையில் இன்று மாநிலங்களவையில் பேசிய அவர், அண்டை நாடுகளிலிருந்து சட்டவிரோதமாக இந்தியாவிற்குள் நுழைந்தவர்கள் வெளியேற்றப்படுவார்கள் என்று மீண்டும் தெரிவித்துள்ளார். மக்களவைத் தேர்தலின் போது பாஜகவின் தேர்தல் அறிக்கையிலும் இதே கருத்து வலியுறுத்தப்பட்டிருந்தது குறிப்பிடத்தக்கது.