தஞ்சாவூரில் திருவள்ளுவர் சிலை மீது மாட்டு சாணத்தை தெளித்த மர்ம நபர்களை பிடிக்க காவல்துறை துணை கண்காணிப்பாளர் தலைமையில் தனி படை அமைத்து தமிழக காவல்துறை இயக்குனர் ஜே.கே. திரிபாதி உத்தரவிட்டுள்ளார்.
பிள்ளையார்பட்டியில் 2005ஆம் ஆண்டு அப்பகுதி மக்களால் திருவள்ளுவர் சிலை நிறுவப்பட்டது. 18 ஆண்டு காலமாக அந்த திருவள்ளுவர் சிலைக்கு மாலை அணிவித்து மரியாதை செலுத்தி வந்தனர். இந்த நிலையில், இன்று காலை திருவள்ளுவர் சிலையின் முகத்தில் மாட்டு சாணத்தை தெளித்தும், கருப்புத் துணியால் சிலையில் கண்கள் கட்டப்பட்டும் இருந்தது. இச்சம்பவம் அப்பகுதியில் பரபரப்பை ஏற்படுத்தியுள்ளது. இது குறித்து அளிக்கப்பட்ட புகாரினை தொடர்ந்து, மர்ம நபர்களை பிடிக்க காவல்துறை துணை கண்காணிப்பாளர் தலைமையில் தனிப்படை அமைத்து காவல்துறை இயக்குனர் ஜே.கே. திரிபாதி உத்தரவிட்டுள்ளார்.