நாடாளுமன்ற குளிர்கால கூட்டத்தொடர் தொடங்கியது

பரபரப்பான சூழலில் நாடாளுமன்ற குளிர்கால கூட்டத்தொடர் தொடங்கி நடைபெற்று வருகிறது.

மக்களவை மற்றும் மாநிலங்களவை காலை 11 மணிக்கு கூடியது. மக்களவையில் புதிதாக தேர்ந்தெடுக்கப்பட்டவர்கள், உறுப்பினர்களாக பதவியேற்று கொண்டனர். அதைத்தொடர்ந்து தற்போதைய எம்.பி.க்கள் மற்றும் முன்னாள் எம்.பி.க்கள் மறைவுக்கு இரங்கல் தெரிவிக்கப்பட்டது. அருண் ஜெட்லி, சுஷ்மா சுவராஜ், ராம்ஜெத்மலானி உள்ளிட்டோர் மறைவுக்கு மக்களவை சபாநாயகர் ஓம் பிர்லா இரங்கல் குறிப்பு வாசித்தார். இதையடுத்து உறுப்பினர்கள் அனைவரும் இரண்டு நிமிடங்கள் மவுன அஞ்சலி செலுத்தினர்.