மும்பையில் அஜாக்கிரதையாக, தண்டவாளத்தில் நின்று கொண்டிருந்த பெண் மீது அதிவேகமாக வந்த ரயில் மோதிய பரபரப்பு காட்சிகள் சிசிடிவி கேமராவில் பதிவாகின.
மும்பை தாதர் ரயில் நிலைய தண்டவாளத்தில் பெண் ஒருவர் நின்று கொண்டிருந்தார். அப்போது ரயில் அதிவேகமாக வருவதை கண்டு அதிர்ச்சியடைந்து, நடைமேடையில் ஏற விரைந்தார். ஆனால் நொடிப் பொழுதில் அவர் மீது ரயில் மோதியதால், அதன் பக்கவாட்டிலும் அந்த பெண் சிக்கிக் கொண்டார். இதனையடுத்து அங்கு இருந்த ரயில்வே போலீசார் அந்த பெண்ணை உயிருடன் மீட்டு முதலுதவி சிகிச்சை அளித்தனர். இந்த காட்சிகள் சிசிடிவி கேமராவில் பதிவானது.
ரயில் நிலைய தண்டவாளங்களில் கவனக் குறைவாகவும், அஜாக்கிரதையாகவும் இருந்ததே இந்த விபத்துக்கு காரணம் என தெரிகிறது. கவனமாக இருந்தால் இதுபோன்ற விபத்துக்களை தவிர்க்கலாம் என்பது குறிப்பிடத்தக்கது.