நாமக்கல் மாவட்டத்தில் மாநில அளவிலான கபடிப் போட்டி

நாமக்கல் மாவட்டம் திருச்செங்கோட்டில், மாநில அளவிலான கபடிப் போட்டிகள் தொடங்கி நடைபெற்று வருகின்றன.தைப் பொங்கல் விழாக் குழு, திருச்செங்கோடு ஸ்போர்ட்ஸ் கிளப் மற்றும் தமிழ்நாடு அமெச்சூர் கபடி கழகம் ஆகியவை இணைந்து நடத்துகின்ற இப்போட்டியில் மாவட்ட அளவில் வெற்றிபெற்ற ஆண்கள் மற்றும் பெண்கள் அணிகள் பங்கேற்கின்றன. இரண்டு நாட்களாக நடைபெறுகிற இப்போட்டியில் வெற்றி பெறும் அணி வீரர்களுக்கு ரொக்கப் பரிசுகள் மற்றும் சான்றிதழ்கள் வழங்கப்பட உள்ளன.