புதுச்சேரியில் துவங்கியது சட்டப்பேரவையின் சிறப்புக் கூட்டத் தொடர்

புதுச்சேரி சட்டப்பேரவையின் சிறப்புக் கூட்டத் தொடர் தொடங்கிய நிலையில், பேரவையில் பல்வேறு தீர்மானங்கள் நிறைவேற்றப்பட்டன

புதுச்சேரி சபாநாயகர் திருக்குறள் வாசித்து சிறப்புக் கூட்டத்தை துவக்கி வைத்தார். இதைத் தொடர்ந்து நீட் மற்றும் நெக்ஸ்ட் தேர்விலிருந்து புதுச்சேரிக்கு விலக்களிக்கும் தீர்மானம், ஹைட்ரோகார்பன் திட்டத்திற்கு எதிரான தீர்மானம், நீர்வளத்தைப் பாதுகாப்பதற்கான தீர்மானம் உள்ளிட்ட பல்வேறு தீர்மானங்கள் நிறைவேற்றப்பட்டன. முன்னதாக மறைந்த புதுச்சேரி முதல்வர் ஜானகிராமனுக்கு சட்டப்பேரவையில் இரங்கல் தெரிவிக்கப்பட்டது. சிறப்புக் கூட்டத்தில் அதிமுக, என்.ஆர் காங்கிரஸ், பாஜக உள்ளிட்ட கட்சிகளை சேர்ந்த உறுப்பினர்கள் கலந்து கொண்டனர்.