12ம் வகுப்பு தேர்வில் எஞ்சியுள்ள பொதுத்தேர்வு 27ம் தேதி நடைபெறும் என பள்ளிகல்வித்துறை அமைச்சர் செங்கோட்டையன் தெரிவித்துள்ளார்.
ஈரோடு மாவட்டம் கோபிசெட்டிபாளையம் அரசு மருத்துவமனைக்கு கொரோனா தடுப்பு பாதுகாப்பு உபகரணங்கள் வழங்கும் நிகழ்ச்சி நடைபெற்றது. நிகழ்ச்சியில் பள்ளிகல்வித்துறை அமைச்சர் செங்கோட்டையன் கலந்து கொண்டு பாதுகாப்பு உபகரணங்களை வழங்கினார். தொடர்ந்து தாசப்பகவுண்டபுதூர் அரசு மேல்நிலைப்பள்ளியில் பயிலும் மாணவ, மாணவிகளுக்கு மடிக்கணினிகள் மற்றும் பள்ளிக்கு தேவையான உபகரணங்களையும் அமைச்சர் வழங்கினார்.
தொடர்ந்து செய்தியாளர்களை சந்தித்த அமைச்சர், 6 ஆயிரத்து 19 பள்ளிகளில் கணினிகள் பொருத்தப்பட்டு இணையதள வசதி ஏற்பாடு செய்யப்பட்டுள்ளதாகவும், இதன் மூலம் முதன்முறையாக தமிழகத்தில் தான் இந்த திட்டம் முதன் முதலில் செயல்படுத்தப்படுகிறதாகவும் அமைச்சர் தெரிவித்தார்.