சுதந்திர தினத்தை முன்னிட்டு தேச தியாகிகளை நினைவு கூறும் விதமாக பள்ளி மாணவர்கள் ஒரே நேரத்தில் ஆயிரத்து 560 தேசிய கொடிகளை ஐந்து நிமிடத்தில் வரைந்து சாதனை படைத்தனர்.
சென்னையை அடுத்த மேடவாக்கத்தில் உள்ள தனியார் மேல்நிலை பள்ளியில், 73 வது சுதந்திர தினத்தை முன்னிட்டு தேச தியாகிகளை நினைவு கூறும் விதமாக மாணவர்கள் தேசிய கொடியை ஒரே நேரத்தில் வரைந்து சாதனை நிகழ்த்தினர். இதில் 1,560 மாணவ மாணவிகள் ஒரே நேரத்தில் கலந்து கொண்டு ஐந்து நிமிடத்தில் 1,560 தேசிய கொடிகளை வரைந்து வண்ணம் தீட்டினர். ஏற்கனவே உத்தரபிரதேச மாநிலத்தை சேர்ந்த தனியார் பள்ளி மாணவர்கள் 1,305 தேசிய கொடிகளை வரைந்ததே இதுவரை சாதனையாக இருந்தது. இதை சென்னை மாணவர்கள் முறியடித்துள்ளனர். இந்த சாதனை இந்திய புக் ஆஃப் ரெக்கார்ட்ஸில் சாதனையாக பதிவு செய்யப்பட்டுள்ளது.