நாளுக்கு நாள் அதிகரித்து வரும் தங்கத்தின் விலை

நாளுக்கு நாள் அதிகரித்து வரும் தங்கம் விலை இன்றும் மேலும் உயர்ந்து 28 ஆயிரத்து 568 ரூபாய்க்கு விற்பனையாகிறது.

தொடர்ந்து 7-வது நாளாக தங்கம் விலை உயர்ந்து உச்சம் தொட்டுள்ளது. சென்னையில் ஆபரண தங்கத்தின் விலை சவரனுக்கு 192 ரூபாய் அதிகரித்து 28 ஆயிரத்து 568 ரூபாய்க்கு விற்பனை செய்யப்பட்டு வருகிறது. கிராமுக்கு 24 ரூபாய் அதிகரித்து, 3 ஆயிரத்து 571 ரூபாய்க்கு விற்கப்படுகிறது. 24 கேரட் தங்கம் கிராமுக்கு 24 ரூபாய் உயர்ந்து 3 ஆயிரத்து 728 ரூபாயாக்கும், சவரன் 29 ஆயிரத்து 824 ரூபாய்க்கு விற்பனை செய்யப்படுகிறது. வெள்ளி கிராமுக்கு ஒரு ரூபாய் 10 காசுகள் உயர்ந்து, 47 ரூபாய் 90 காசுகளுக்கு விற்கப்படுகிறது. கிலோ வெள்ளி 47 ஆயிரத்து 900 ரூபாய்க்கு விற்பனை செய்யப்படுகிறது.