கவிஞர் வைரமுத்து பெண்ணைத்தானே கூப்பிட்டார் என்று சர்ச்சைக்குரிய வகையில் பேசிய நடிகர் மாரிமுத்துவிற்கு திரையுலக பிரபலங்கள் கண்டனம் தெரிவித்துள்ளனர்.
கொம்பன், கடைக்குட்டி சிங்கம் போன்ற கிராமப்புற படங்களில் நடித்தவரும், இயக்குனருமான மாரிமுத்து, சமீபத்தில் தனியார் இணையதளத்திற்கு அளித்த பேட்டியில், எல்லா துறையிலும் பாலியல் தொல்லைகள் இருக்கிறது, ஆனால், சினிமா துறையில் நடப்பவை மட்டும் மிகைப் படுத்தி கூறப்படுவதாக தெரிவித்துள்ளார். அது மட்டும் இல்லாமல், கவிஞர் வைரமுத்து பெண்ணைத் தானே கூப்பிட்டார், இதில் என்ன தவறு இருக்கிறது, அவர் ஆண்களை கூப்பிடவில்லையே என்று சர்ச்சைக்குரிய வகையில் பேசியுள்ளார். அவரது இந்த பேச்சுக்கு நடிகர் சித்தார்த் உள்ளிட்ட திரைத்துறையினர் பலர், கடும் கண்டனம் தெரிவித்துள்ளனர்.