இரு நாடுகளுக்கும் இடையே பதற்றம் நிலவி வரும் சூழலில் இந்திய எல்லையில் பாகிஸ்தான் படைகளை குவித்து வருகிறது.
பாகிஸ்தானில் உள்ள பாலகோட் முகாம் மீதான இந்திய விமானப்படை தாக்குதலை தொடர்ந்து, எல்லையில் தொடர்ந்து பதற்றம் நிலவி வருகிறது. இதனிடையே எல்லையில் பாகிஸ்தான் அதிக படைகளையும், ராணுவ தளவாடங்களையும் குவித்து வருவதாக மத்திய அரசு வட்டாரங்கள் தெரிவித்துள்ளன. ஆப்கானிஸ்தான் எல்லையில் இருந்த தனது படைகளை காஷ்மீர் எல்லை பக்கம் பாகிஸ்தான் திருப்பி விட்டுள்ளது. அதே சமயத்தில், பாகிஸ்தான் எத்தகைய அத்துமீறலில் ஈடுபட்டாலும் தக்க பதிலடி தரப்படும் என்று இந்திய ராணுவம் எச்சரிக்கை விடுத்துள்ளது.