போர்வை வியாபாரிக்கு தீ வைத்த கும்பல்…! தகவல் அளித்தால் தக்க சன்மானம்

கிருஷ்ணகிரியில் வியாபாரியை பெட்ரோல் ஊற்றி எரித்த வழக்கில் சந்தேகப்படும் குற்றவாளிகளின் புகைப்படத்தை போலீசார் வெளியிட்டுள்ளனர்.

திருவண்ணாமலை மாவட்டத்தைச் சேர்ந்த காதர் பாஷா, கிருஷ்ணகிரி லண்டன் பேட்டை பகுதியில் போர்வை வியாபாரம் செய்து வருகிறார். நேற்று வியாபாரத்தின் போது, போர்வை வாங்க வந்த 4 பேருக்கும், காதர் பாஷாவுக்கு இடையே மோதல் ஏற்பட்டுள்ளது. அப்போது காதர் பாஷா மீது பெட்ரோல் ஊற்றி கொளுத்திவிட்டு நால்வரும் தப்பியுள்ளனர்.

இதில் தீக்காயமடைந்த காதர் பாஷாவுக்கு, தருமபுரி அரசு மருத்துவமனையில் தீவிர சிகிச்சை அளிக்கப்படுகிறது. இந்த சம்பவத்தில் சந்தேகிக்கப்படும் இளைஞர் மற்றும் 2 பெண்களின் புகைப்படங்களை வெளியிட்டுள்ள போலீசார், அவர்களை பற்றி தகவல் அளித்தால் தக்க சன்மானம் அளிக்கப்படும் என அறிவித்துள்ளனர்.