ஸ்கூட் ஏர்லைன்ஸ் விமானத்தில் திடீரென்று இயந்திர கோளாறு

திருச்சியிலிருந்து சிங்கப்பூருக்கு சென்று கொண்டிருந்த ஸ்கூட் ஏர்லைன்ஸ் விமானத்தில் திடீரென ஏற்பட்ட இயந்திர கோளாறால் சென்னையில் அவசரமாக தரையிறக்கப்பட்டதால் பரபரப்பு ஏற்பட்டது

165 பயணிகள் மற்றும் 7 விமான ஊழியர்களுடன் இன்று காலை திருச்சியிலிருந்து சிங்கப்பூர் சென்று கொண்டிருந்தது ஸ்கூட் விமானம். இந்த விமானத்தில் திடீரென்று இயந்திர கோளாறு ஏற்பட்டது. இதையடுத்து விமானத்தை இயக்கிய விமானியின் துரித நடவடிக்கையால் அவசர அவசரமாக சென்னை விமான நிலையத்தில் விமானம் தரையிறக்கப்பட்டது. இதனால் பயணிகள் அதிர்ஷ்டவசமாக பாதுகாக்கப்பட்டனர். தற்போது விமானம் பழுது பார்க்கப்பட்டு வரும்நிலையில், பயணிகள் அனைவரும் இங்குள்ள தங்கும் விடுதிகளில் தங்க வைக்கப்பட்டுள்ளனர்.