இந்து சமய அறநிலையத்துறை இணையதளத்தில், 77 கோயில்களின் முப்பரிமாணக் காட்சியை பக்தர்கள் இணையதளத்தில் காண ஏற்பாடு செய்யப்பட்டுள்ளது.
தமிழகம் முழுவதிலும் இந்து சமய அறநிலையத்துறையின் கட்டுப்பாட்டில் 44,000 க்கும் மேற்பட்ட கோயில்கள் உள்ள நிலையில், திருவல்லிக்கேணி பார்த்தசாரதி கோயில், மயிலாப்பூர் கபாலீஸ்வரர் கோயில், மதுரை மீனாட்சி அம்மன் கோயில் உள்ளிட்ட 4,000 க்கும் அதிகமான முக்கிய கோயில்கள் உள்ளன. இக்கோயில்களுக்கு, உள்நாடு மட்டுமின்றி வெளிநாட்டினரும் வந்து செல்கின்றனர். இந்நிலையில், பூஜைக்காக முன்பதிவு செய்வது, காணிக்கை செலுத்துவது போன்றவற்றிற்கு, இந்து சமய அறநிலையத்துறையின் இணையத்தில் வசதிகள் செய்யப்பட்டுள்ளது. தற்போது, 77 முக்கிய கோயில்களின் புகைப்படங்களை முப்பரிமாணக் காட்சியாக பக்தர்கள் பார்க்கும் வகையில் இணையதளத்தில் வெளியிடப்பட்டுள்ளது.