ஒய்.எஸ்.ஆர் காங்கிரஸ் தலைவர் ஜெகன்மோகன் ரெட்டி பதவியேற்பு நிகழ்ச்சிக்காக அமைக்கப்பட்டிருந்த பிரமாண்ட பந்தல், காற்றுடன் பெய்த கனமழையில் முற்றிலும் சேதமடைந்துள்ளது.
ஆந்திர சட்டப்பேரவை தேர்தலில் முன்னாள் முதல்வர் சந்திரபாபு நாயுடுவை தோற்கடித்து, ஒய்.எஸ்.ஆர் காங்கிரஸ் தலைவர் ஜெகன்மோகன் ரெட்டி மாபெரும் வெற்றி பெற்றார். இதையடுத்து, இன்று ஆந்திர முதல்வராக பதவியேற்க உள்ளார். பதவியேற்பு நிகழ்ச்சிக்காக, விஜயவாடாவில் அமைக்கப்பட்டிருந்த பிரம்மாண்ட மேடை, சூறாவளிக் காற்றுடன் பெய்த கனமழையின் காரணமாக சேதமடைந்துள்ளது. அப்பகுதி முழுவதும் மழைநீர் சூழ்ந்துள்ளதால், சேறாக காட்சியளிக்கிறது. தேங்கியுள்ள நீரை அகற்றும் பணி தீவிரமாக நடைபெற்று வருகிறது. இந்நிலையில், இன்று பிற்பகல் முதல்வராக பதவியேற்கும் ஜெகன்மோகன் ரெட்டி, மாலையில் நடைபெறும் பிரதமர் பதவியேற்பு விழாவில் கலந்து கொள்ள உள்ளதாக தகவல்கள் வெளியாகியுள்ளன.