சர்வதேச கிரிக்கெட் போட்டிகளில் முதல் பெண் நடுவர்

சர்வதேச கிரிக்கெட் போட்டிகளில் முதல்முறையாக நடுவர் குழுவில் இந்தியாவை சேர்ந்த ஜி.எஸ். லட்சுமியை சர்வதேச கிரிக்கெட் கவுன்சில் நியமித்துள்ளது. இதன்மூலம் ஆண்கள் கிரிக்கெட் போட்டியில் பெண் நடுவர்களும் பங்கேற்கும் வாய்ப்பு கிடைத்துள்ளது. இந்நிலையில் சர்வதேச கிரிக்கெட் போட்டிகளில் நடுவராக நியமிக்கப்பட்டுள்ளது மிகுந்த மகிழ்ச்சியை அளிப்பதாக லட்சுமி தெரிவித்துள்ளார். ஐதராபாத்தில் இருந்து நியூஸ்ஜெ தொலைக்காட்சிக்கு அவர் அளித்துள்ள பிரத்யேக பேட்டியில், தங்களது இலக்கை அடைய பொறுமையாகவும் நேர்மையாகவும் உழைத்தால் விளையாட்டு வீரர்கள் மற்றும் வீராங்கனைகள், கண்டிப்பாக தங்களது லட்சியத்தை அடையலாம் என அவர் தெரிவித்துள்ளார்.