இந்தியா- மேற்கிந்திய தீவுகள் இடையேயான முதல் டெஸ்ட் கிரிக்கெட் போட்டி இன்று தொடங்குகிறது.
மேற்கிந்திய தீவுகளில் சுற்றுப்பயணம் மேற்கொண்டுள்ள இந்திய கிரிக்கெட் அணி மேற்கிந்திய தீவுகள் அணியுடன் தனது முதல் டெஸ்ட் போட்டியை இன்று தொடங்குகிறது. ஆண்டிகுவா மாநிலத்திலுள்ள நார்த் சவுண்ட் மைதானத்தில் இந்திய நேரப்படி இன்று மாலை 7 மணியளவில் போட்டி தொடங்கவுள்ளது. விராத் கோலி தலைமையில் இந்திய அணியும், ஜாசன் ஹோல்டர் தலைமையில் மேற்கிந்திய தீவுகள் அணியும் இன்று களம் காண உள்ளது. மேற்கிந்திய தீவுகள் அணிக்கு எதிராக நடந்த கடைசி 5 டெஸ்ட் தொடர்களில் இந்திய அணியே தொடரைக் கைப்பற்றியது குறிப்பிடத்தகுந்தது.