இந்தியாவின் பிரதமாக நரேந்திர மோடி இரண்டாவது முறையாக பதவியேற்ற இன்று தனது 69வது பிறந்தநாளை கொண்டாடினார். அவருக்கு உலகம் முழுவதும் இருந்து வாழ்த்துக்கள் குவிந்த வண்ணம் உள்ளது.
இந்நிலையில் பிரதமர் மோடியின் வாழ்க்கை வரலாற்றை மையமாக வைத்து “மன் பைரங்கி” படம் தயாராக உள்ளது. சஞ்சய் திரிபாதி இயக்கும் இந்த படத்தை பிரபல பாலிவுட் இயக்குநர் சஞ்சய் லீலா பன்சாலி தயாரிக்க உள்ளார். பிரதமர் மோடியின் பிறந்தநாளை முன்னிட்டு இப்படத்தின் ஃபர்ஸ்ட்லுக் போஸ்டர் இன்றைய தினம் வெளியிடப்பட்டது. இதனை பிரபல தெலுங்கு நடிகர் பிரபாஸ் வெளியிட்டார்.
படம் குறித்து தயாரிப்பாளர் சஞ்சய் லீலா பன்சாலி கூறுகையில், பிரதமர் மோடியின் வாழ்க்கையில் திருப்புமுனையாக அமைந்த சம்பவங்கள் இதில் கூறப்படவுள்ளதாகவும், நிச்சயம் இந்த படம் மக்களை கவரும் வகையில் சென்று சேரும் எனவும் கூறினார்.
சமீபத்தில் நடிகர் விவேக் ஓபராய் நடிப்பில் பிரதமர் மோடியின் வாழ்க்கை வரலாற்றை மையமாக வைத்து “PM Narendra Modi” என்ற திரைப்படம் வெளியாகி பலதரப்பட்ட விமர்சனங்களை பெற்றது குறிப்பிடத்தக்கது.