தமிழகத்தில் காலியாக உள்ள 6 மாநிலங்களவை தேர்தலுக்கான வேட்புமனு தாக்கல் நாளை தொடங்கும் என தேர்தல் ஆணையம் அறிவித்துள்ளது.
தமிழகத்தில் காலியாக உள்ள 6 மாநிலங்களவை இடங்களுக்கான தேர்தல் அறிவிப்பை கடந்த வாரம் இந்திய தேர்தல் ஆணையம் அறிவித்திருந்தது. இதில் திமுக தங்களது வேட்பாளர்களை அறிவித்திருந்த நிலையில், அதிமுக சார்பில் வேட்பாளர்கள் விரைவில் அறிவிக்கப்படுவார்கள் என எதிர்ப்பார்க்கப்பட்டு வருகிறது. இந்த நிலையில், நாளை முதல் வேட்பு மனு தாக்கல் தொடங்கவுள்ளது. வரும் 13-ம் தேதி வேட்பு மனு தாக்கல் செய்ய இறுதி நாள் என்றும், 18ம் தேதி வேட்புமனுவை திரும்ப பெற கடைசி நாள் என்றும் தேர்தல் ஆணையம் அறிவித்துள்ளது. மேலும் காலியாக உள்ள மாநிலங்களவைக்கான தேர்தல் வரும் 26ம் தேதி நடைபெறும் எனவும் அறிவிக்கப்பட்டுள்ளது.