மேட்டுப்பாளையம் அருகே காட்டு யானை தாக்கியதில் படுகாயமடைந்த விவசாயி மருத்துவமனையில் அனுமதிக்கப்பட்டுள்ளார்.
கோவை மாவட்டம், மேட்டுப்பாளையத்தில் காட்டு யானை தாக்கியதில் விவசாயி முருகேசன் என்பவர் படுகாயமடைந்தார். தனது மகனுடன் இரு சக்கர வாகனத்தில், சென்று கொண்டிருந்தபோது, எதிரே வந்த காட்டு யானைகள் இவர்களை விரட்டியதாகத் தெரிகிறது. இதில் நிலை தடுமாறி விழுந்த முருகேசனை, யானைகள் தாக்கியதில் படுகாயமடைந்துள்ளார். பின், பாதிக்கப்பட்ட முருகேசன் மருத்துவமனையில் அனுமதிக்கப்பட்டுள்ளார். இதையடுத்து வனவிலங்குகள் நீர் அருந்த வரும் பகுதிகளுக்கு பொதுமக்கள் செல்ல வேண்டாம் என்று அறிவுறுத்தப்பட்டுள்ளது.