மதுரையில் பிரபல ரவுடியை வீடு புகுந்து கொலை செய்த கும்பலை போலீசார் தீவிரமாக தேடி வருகின்றனர்
மதுரை முத்துப்பட்டி பகுதியை சேர்ந்தவர் சௌந்தர். பிரபல ரவுடியான இவர் மீது மதுரை மாநகரம் முழுவதும் 18க்கும் மேற்பட்ட கொலை கொள்ளை வழக்குக்குள் நிலுவையில் உள்ளன. இந்நிலையில், சௌந்தர் தனது வீட்டில் உறங்கிக் கொண்டிருந்த போது காரில் வந்த மர்ம கும்பல் அவரை சரமாரியாக வெட்டி கொடூரமாக கொலை செய்துள்ளது. பின்னர், தலையை துண்டாக்கி பையில் எடுத்துகொண்டு ஐந்து கிலோமீட்டருக்கு தொலைவில் உள்ள வசந்தா நகர் ரயில்வே தண்டவாளம் அருகே குப்பையில் வீசி சென்றுள்ளனர். போலீசார் நடத்திய முதற்கட்ட விசாரணையில், முன் விரோதம் காரணமாக இந்த கொலை நடந்துள்ளது தெரியவந்துள்ளது. அந்த பகுதியில் உள்ள சிசிடிவி கேமரா காட்சிகளை கைப்பற்றி தனிப்படை போலீசார் விசாரணை நடத்தி வருகின்றனர்.