தூத்துக்குடியில் திமுக சார்பில் போட்டியிடும் கனிமொழி, தேர்தல் விதிமுறைகளை மீறியதாக சர்ச்சை எழுந்துள்ளது. தூத்துக்குடி தொகுதியில் திமுக சார்பில் போட்டியிடும் அக்கட்சியின் மகளிர் அணிச் செயலாளர் கனிமொழி விமானம் மூலம் தூத்துக்குடிக்கு வருகை புரிந்தார். பல நூறு வாகனங்களில் அணிவகுப்போடு தூத்துக்குடி மாநகர் பகுதியில் உள்ள முக்கிய தலைவர்களின் சிலைகளுக்கு கனிமொழி மாலை அணிவித்து மரியாதை செலுத்தினார்.
அவருடன் பின் தொடர்ந்து சென்ற பல வாகனங்களால் சுமார் ஒரு மணி நேரத்திற்கு மேலாக போக்குவரத்து நெரிசல் ஏற்பட்டது. இதனால் அப்பகுதி வழியாக சென்ற வாகன ஓட்டிகள் மற்றும் பொது மக்கள் மிகவும் சிரமப்பட்டனர்.