ஓசூர் அருகே டிப்பர் லாரியும், காரும் நேருக்கு நேர் மோதிய விபத்து

ஓசூர் அருகே டிப்பர் லாரியும், காரும் மோதிய விபத்தில் ஒருவர் தீயில் கருகி உயிரிழந்த சம்பவம் அதிர்ச்சியை ஏற்படுத்தியது.

கிருஷ்ணகிரி மாவட்டம் ஓசூரிலிருந்து இராயக்கோட்டையை நோக்கி வந்த டிப்பர் லாரி, இராயக்கோட்டையிலிருந்து ஓசூரை நோக்கி வந்து கொண்டிருந்த கார் மீது, சானமாவு பகுதியில் எதிர்பாராத விதமாக நேருக்கு நேர் மோதி விபத்துக்குள்ளானது. வாகனங்கள் மோதிய வேகத்தில் காரும், லாரியும் தீப்பற்றி எரியத் தொடங்கியது. இந்த விபத்தில் காரினை ஓட்டி வந்தவர் இடிபாடுகளில் சிக்கி வெளியே வர முடியாமல் தீயில் கருகி உயிரிழந்தார். மேலும் காரில் பயணம் செய்த ஒரு பெண்ணும், சிறு குழந்தையும் சிறு காயங்களுடன் உயிர்தப்பினர். விரைந்து வந்த தீயணைப்புத் துறையினர் அரை மணி நேரம் போராடி தீயை அணைத்தனர். இருப்பினும் இரு வாகனங்களும் தீயில் கருகி முற்றிலும் நாசமாகின.