ஆஸ்திரேலியாவில் சுற்றுப்பயணம் மேற்கொண்டுள்ள இந்திய அணி 3 ஒருநாள் போட்டிகள் கொண்ட தொடரில் விளையாடி வருகிறது. இன்று இரண்டாவது ஒருநாள்போட்டி தொடங்கியது. டாஸ் வென்ற ஆஸ்திரேலிய அணி பேட்டிங்கை தேர்வு செய்தது.இதனையடுத்து ஆட்டத்தை தொடங்கிய ஆஸ்திரேலிய அணியின் தொடக்க ஆட்டக்காரர்கள் அலெக்ஸ் கேரே 18 ரன்களும்,கேப்டன் ஃபின்ச் 6 ரன்களும் எடுத்து ஆட்டமிழந்தனர். இதனையடுத்து களமிறங்கிய கவாஜா 21 ரன்களில் ரன் அவுட் ஆனார். அந்த அணியின் மார்ஷ் 131 ரன்களும், மேக்ஸ்வெல் 48 ரன்கள் குவித்தனர்.50 ஓவர்கள் முடிவில் ஆஸ்திரேலிய அணி 9 விக்கெட்டுகளை இழந்து 298 ரன்கள் குவித்தது.இந்திய அணி தரப்பில் புவனேஸ்வர் குமார் 4 விக்கெட்டுகளை வீழ்த்தினார்.சமி 3 விக்கெட்டுகளும்,ஜடேஜா 1 விக்கெட்டும் எடுத்தனர்.
இதனையடுத்து 299 ரன்கள் எடுத்தால் வெற்றி என்ற இலக்குடன் இந்திய அணி தொடக்க வீரர்கள் தவான் மற்றும் ரோஹித் சர்மா களமிறங்கி உள்ளனர்.