இந்திய வரலாற்றில் அடுத்த 5 ஆண்டுகள் மிக முக்கியமானது என பிரதமர் மோடி தெரிவித்துள்ளார்.
நடந்து முடிந்த மக்களவை தேர்தலில் பாஜக அமோக வெற்றி பெற்றது. இதைத்தொடர்ந்து, மோடி இரண்டாவது முறையாக பிரதமராக பதவியேற்க உள்ளார். இந்நிலையில் குஜராத் சென்ற பிரதமர் மோடிக்கு சாலையின் இருபுறமும் திரண்ட மக்கள் உற்சாக வரவேற்பு அளித்தனர். இதையடுத்து சர்தர் வல்லபாய் படேல் சிலைக்கு மலர் தூவி மரியாதை செலுத்தினார். பின்னர் அகமதாபாத்தில் நடைபெற்ற கூட்டத்தில் பேசிய பிரதமர் மோடி, மக்களின் ஆசியே தனது பலம் என்று கூறினார். வலிமையான அரசு அமைய மக்கள் வாக்களித்துள்ளதாக கூறிய மோடி, இது மக்களின் தேர்தல், பாஜகவின் தேர்தல் அல்ல எனவும் குறிப்பிட்டார்.