சென்னையில் தொடர் செயின் பறிப்பில் ஈடுபட்டு வந்த நபர் கைது

சென்னை மயிலாப்பூர் சுற்றுவட்டார பகுதிகளில், தொடர் செயின் பறிப்பில் ஈடுபட்டு வந்த நபரை தனிப்படை போலீசார் கைது செய்துள்ளனர்.

சென்னை ஐஸ் ஹவுஸ், மயிலாப்பூர், ராயப்பேட்டை, கோட்டூர்புரம், தேனாம்பேட்டை உள்ளிட்ட பகுதிகளில் இருசக்கர வாகனத்தில் இரண்டு கொள்ளையர்கள் செயின் பறிப்பில் ஈடுபட்டு வந்தனர். இது தொடர்பாக தனிப்படை அமைத்து கொள்ளையர்களை பிடிக்க, மாநகர காவல் ஆணையர் ஏ.கே.விஸ்வநாதன் உத்தரவிட்டு இருந்தார். அதன்படி செயின் பறிப்பு நடந்த இடங்களில் இருந்த சிசிடிவி காட்சிகளை வைத்து தனிப்படை போலீசார் விசாரணை நடத்தி வந்தனர். செயின் பறிப்பில் ஈடுபட்டு வந்த இரண்டு பேரில், ராகேஷ் என்பவரை போலீசார் கைது செய்துள்ளனர். தலைமறைவாக உள்ள சீனுவை போலீசார் தேடி வருகின்றனர்.