நாகை மாவட்டம் சீர்காழியில் வியாபாரிகள் மற்றும் தொழிலதிபர்களை தொடர்ச்சியாக பணம் கேட்டு மிரட்டி வந்த ரவுடிகளைக் கைது செய்த காவல்துறையினர் தப்பியோடிய மூவரைத் தேடி வருகின்றனர்.
இந்த விவகாரம் தொடர்பாக சீர்காழி மற்றும் சுற்றுவட்டாரப் பகுதி வியாபாரிகள் கொடுத்த புகாரின் அடிப்படையில் காவல்துறையினர் தீவிர விசாரணையில் ஈடுபட்டு வந்தனர். இந்நிலையில் பல கொலை கொள்ளை சம்பவங்களில் ஈடுபட்டு வந்த பிரபல ரவுடி பார்த்திபன் மற்றும் அவரது கூட்டாளிகள் மிரட்டலில் ஈடுபட்டு வருவது தெரிந்தது. இதையடுத்து தீவிர தேடுதல் வேட்டையில் ஈடுபட்ட காவல்துறையினர் உப்பனாறு கரையில் அவர்களது காரை மடக்கி பிடித்தனர். அப்போது தப்பியோட முயன்று உப்பனாற்றில் குதித்த போது அவர்களது கால் முறிந்ததாகத் தெரிகிறது. இருவரையும் மீட்ட காவல்துறையினர் மருத்துவமனையில் சிகிச்சை அளித்து பின்னர் கைது செய்தனர்.