தஞ்சாவூர் மாவட்டத்தில் வீட்டின் அருகே விளையாடிக் கொண்டிருந்த மூன்று சிறுவர்கள் மாயமானது தொடர்பாக, போலீசார் தீவிர விசாரணை நடத்தி வருகின்றனர்.
கும்பகோணம் அருகே பவுண்டரீகபுரம் கட்டுக்கரை தெருவை சேர்ந்த முருகன் என்பவரின் மகன் ஜெகதீஸ்வரன் கடந்த 21-ம் தேதி வீட்டின் அருகே விளையாடிக் கொண்டிருந்தார். முருகனின் தங்கை மகன்கள் மனோஜ் மற்றும் மகேந்திரனும் ஜெகதீஸ்வரனுடன் விளையாடிக் கொண்டிருந்தனர். நீண்ட நேரமாகியும் சிறுவர்கள் 3 பேரும் வீடு திரும்பாததால் அதிர்ச்சி அடைந்த பெற்றோர், அவர்களை தேடியுள்ளனர். அவர்கள் கிடைக்காததால் இது குறித்து போலீசில் புகார் அளித்துள்ளனர். சிறுவர்கள் மாயமாகி 4 நாட்கள் ஆன நிலையில், போலீசார் அவர்களை தீவிரமாக தேடி வருகின்றனர்.