துணை முதல்வர் ஓ.பன்னீர்செல்வத்திற்கு 'தங்க தமிழ் மகன்' விருது

சிகாகோ உலக தமிழ் சங்கம் சார்பில் துணை முதலமைச்சர் ஓ.பன்னீர்செல்வத்திற்கு, தங்க தமிழ் மகன் விருது வழங்கி கவுரவிக்கப்பட்டது.

வீட்டு வசதி வாரியத்தில் செயல்படுத்தப்படும் தொழில்நுட்பங்களை தெரிந்து கொள்ளவும், தமிழகத்திற்கு தொழில் முதலீடுகளை ஈர்ப்பதற்காகவும் துணை முதலமைச்சர் ஓ.பன்னீர்செல்வம் அரசு முறை பயணமாக அமெரிக்கா சென்றுள்ளார். சிகாகோ விமான நிலையத்தில் அவருக்கு உற்சாக வரவேற்பு அளிக்கப்பட்டது.

சிகாகோ ஓக் புரூக் டெரேஸில் 10-வது உலக தமிழக ஆராய்ச்சி மாநாட்டை சிறப்பாக நடத்தி முடித்ததற்கான பாராட்டு விழா நடைபெற்றது. இதில், சிகாகோ உலக தமிழ் சங்கம் சார்பில் துணை முதலமைச்சர் ஓ.பன்னீர்செல்வத்திற்கு, தங்க தமிழ் மகன் விருது வழங்கி கவுரவிக்கப்பட்டது.

இந்த விழாவில் பல்வேறு மாகாண மேயர்கள் மற்றும் தேனி தொகுதி மக்களவை உறுப்பினர் ஓ.பி.ரவீந்திரநாத் குமார், தமிழ்நாடு வீட்டு வசதி துறை செயலாளர் கிருஷ்ணன், தமிழ் அமைப்புகளின் முக்கிய நிர்வாகிகள் கலந்து கொண்டனர்.