‘மாஸ்டர்’ ஆகும் விஜய் : தளபதி 64 ஃபர்ஸ்ட் லுக் போஸ்டர் வெளியீடு

நடிகர் விஜய் நடிக்கும் 64வது படத்தின் ஃபர்ஸ்ட் லுக் போஸ்டர்  வெளியாகியுள்ளது.

‘பிகில்’ திரைப்படத்தை தொடர்ந்து நடிகர் விஜய், அடுத்ததாக இயக்குநர் லோகேஷ் கனகராஜ் இயக்கும் படத்தில் நடித்து வருகிறார். XB ஸ்டூடியோஸ் தயாரிக்கும் இப்படத்தில்  நடிகர் விஜய் சேதுபதி,  நடிகைகள் மாளவிகா மோகனன், ஆண்ட்ரியா ஆகியோருடன் சாந்தனு பாக்யராஜ், ஆண்டனி வர்கீஸ், ஆண்ட்ரியா, கெளரி கிஷண், ப்ரிகிடா, ஸ்ரீமன், சஞ்சீவ், ஸ்ரீநாத், ப்ரேம், சேத்தன், அழகம் பெருமாள், மேத்யூ வர்கீஸ், சுனில் ரெட்டி போன்ற நட்சத்திர பட்டாளமே நடித்துள்ளனர்.அனிருத் இந்த படத்திற்கு இசையமைக்கிறார். படம் 2020ம் ஆண்டு ஏப்ரல் மாதம் வெளியாகும் என அறிவிக்கப்பட்டுள்ளது

இந்நிலையில் தளபதி 64 படத்தின் ஃபர்ஸ்ட் லுக் போஸ்டர் புத்தாண்டை  முன்னிட்டு டிசம்பர் 31ம் தேதி மாலை 5 மணிக்கு வெளியாகும் என நேற்று முன்தினம் அறிவிக்கப்பட்டது. இதனால் விஜய் மட்டுமல்லாமல் விஜய் சேதுபதியின் ரசிகர்களும் பெரும் மகிழ்ச்சியடைந்தனர். இன்றைய தினம் ட்விட்டரில் #Thalapathy64FLday என்ற ஹேஸ்டேக்கில் ட்ரெண்டிங்கில் இருந்தது.

அதன்படி ஃபர்ஸ்ட் லுக் போஸ்டர் வெளியாகி ரசிகர்களிடம் வரவேற்பு பெற்றுள்ளது.இந்த படத்திற்கு “மாஸ்டர்” என பெயரிடப்பட்டுள்ளது.