இந்திய டென்னிஸ் உலகின் நட்சத்திரமாக விளங்கியவர் சானியா மிர்சா. இவருக்கும் பாகிஸ்தான் கிரிக்கெட் வீரர் சோயிப் மாலிக்கிற்கும் கடந்த 2010ம் ஆண்டு திருமணம் நடைபெற்றது. இவர்களுக்கு 7 ஆண்டுகளுக்கு பிறகு கடந்தாண்டு அக்டோபர் மாதம் சானியா மிர்சாவுக்கு அழகான ஆண் குழந்தை பிறந்தது. பிரசவத்தின் போது சானியா மிர்சாவுக்கு உடல் எடை அதிகரித்ததால் அவர் மிகவும் சிரமப்பட்டு வந்தார். அதனை குறைக்க பல்வேறு உடற்பயிற்சிகளை மேற்கொண்டுவருவதாக அவ்வப்போது இன்ஸ்டாகிராமில் வீடியோ பதிவிடுவார்.
இந்நிலையில் உடல் எடையை முற்றிலும் குறைத்துள்ள வீடியோவை தற்சமயம் வெளியிட்டுள்ளார்.மேலும் அதன் ரகசியத்தையும் குறிப்பிட்டுள்ளார். அதில், “என்னுடைய பிரசவத்திற்கு பிறகு 4 மாதங்களில் 26 கிலோ உடல் எடை குறைத்துள்ளேன். இதே மாதிரியான கடின உடற்பயிற்சியை, என்னுடைய குழந்தை பிறந்து இரண்டரை மாதங்களிலேயே தொடங்கிவிட்டேன்” என்று தெரிவித்துள்ளார்.