பிரபல தெலுங்கு நடிகர் ஜெயபிரகாஷ் ரெட்டி மாரடைப்பால் இன்று காலமானார். அவருக்கு வயது 74
ஆந்திர மாநிலம் கர்னூல் மாவட்டத்தை சேர்ந்த ஜெயபிரகாஷ் ரெட்டி, பிரம்மபுத்ரூடு என்ற படத்தின் மூலம் நடிகராக அறிமுகமானார். பின்னர் சமரசீமா ரெட்டி படத்தின் மூலம் பிரபலமான இவர், தமிழ் மற்றும் தெலுங்கு படங்களில் வில்லன், நகைச்சுவை, குணச்சித்ரம் என பன்முகத்துடன் கலக்கி வந்தார். இந்தநிலையில், தனது இல்லத்தில் ஜெயபிரகாஷ் ரெட்டி, இன்று அதிகாலை மாரடைப்பால் காலமானார். அவரது மறைவுக்கு திரைத்துறை பிரபலங்கள் இரங்கல் தெரிவித்து வருகின்றனர்.