யூ டியூப் சேனலைப் பார்த்து சாராயம் தயாரித்த இளைஞர்களை கைது செய்து காவல்துறையினர் !!!

கொடைக்கானல் அருகே யூ டியூப் சேனலைப் பார்த்து சாராயம் தயாரித்த இளைஞர்கள் 2 பேர் கைது செய்யப்பட்டனர்.

திண்டுக்கல் மாவட்டம் கொடைக்கானல் அருகே உள்ள சமக்காடு காலனியில், கள்ளச்சாராயம் காய்ச்சப்படுவதாக, காவல்துறைக்கு தகவல் வந்தது. இதையடுத்து, பழனி மதுவிலக்கு பிரிவை சேர்ந்த 5 பேர் கொண்ட காவல்துறையினர், சோதனையில் ஈடுபட்ட போது, ஜோபின், பழனிசாமி ஆகிய இருவர் சாராயம் தயாரித்து ஊரலில் வைத்திருந்தது தெரியவந்தது. அதனைத் தொடர்ந்து 10 லிட்டர் கள்ளச் சாராயத்தை காவல்துறையினர் கைப்பற்றி அழித்தனர்.

அவர்களிடம் நடத்தப்பட்ட விசாரணையில், சாராயம் காய்ச்சுவது எப்படி என்பதை யூடியுப் மூலம் அறிந்து கொண்டு, அதனை தயாரித்ததாக அவர்கள் தெரிவித்தனர். இதையடுத்து அவர்கள் இருவரையும் காவல்துறையினர் கைது செய்தனர்.