தமிழ்நாடு சுற்றுலா மற்றும் மருத்துவ சுற்றுலா கண்காட்சியை தமிழக அமைச்சர்கள் பார்வையிட்டனர்

சென்னையில் நடைபெற்று வரும் தமிழ்நாடு சுற்றுலா மற்றும் மருத்துவ சுற்றுலா கண்காட்சியை தமிழக அமைச்சர்கள் பார்வையிட்டனர்.

சென்னை நந்தம்பாக்கத்தில் உள்ள வர்த்தக மையத்தில் தமிழ்நாடு சுற்றுலா மற்றும் மருத்துவ கண்காட்சி நடைபெற்று வருகிறது. இதனை தமிழக சுகாதாரத்துறை அமைச்சர் விஜயபாஸ்கர் மற்றும் சுற்றுலா துறை அமைச்சர் வெல்லமண்டி நடராசன் ஆகியோர் பார்வையிட்டனர்.

தமிழ்நாடு சார்பில் செயல்படுத்தப்பட்டுள்ள சுற்றுலா துறையின் வளர்ச்சி மற்றும் திட்டங்கள் குறித்து விளக்கங்கள் அளிக்கப்பட்டு வருகிறது. தமிழ்நாடு சுற்றுலா துறை சார்பில் 150 கண்காட்சி பார்வையகங்கள் அமைக்கப்பட்டுள்ளன.

பின்னர், செய்தியாளர்களை சந்தித்த சுகாதாரத்துறை அமைச்சர் விஜயபாஸ்கர், பொது மக்கள் மட்டுமின்றி, துறை சார்ந்தவர்களின் ஆர்வத்தை மேலும் வளர்க்கும் விதமாக இந்த கண்காட்சி உள்ளதாக கூறினார்.