சயன்,மனோஜ் இருவரிடமும் தமிழ்நாடு சைபர் கிரைம் போலீசார் விசாரணை நடத்த திட்டம்

தமிழக தனிப்படை போலீசாரால் டெல்லியில் கைது செய்யப்பட்ட சயன் மற்றும் மனோஜ், விமானம் மூலம் சென்னைக்கு அழைத்து வரப்பட்டனர்.

கொடநாடு விவகாரம் தொடர்பாக முதலமைச்சர் மீது அவதூறு கருத்து தெரிவித்த சயன், மனோஜ் மீது மத்திய குற்றப்பிரிவு போலீசார் வழக்கு பதிவு செய்தனர். இதைத்தொடர்ந்து, டெல்லி விரைந்த தமிழக தனிப்படை போலீசார், சயன், மனோஜை நேற்று கைது செய்தனர். அவர்கள் இருவரும் விமானம் மூலம் இன்று அதிகாலை சென்னை அழைத்து வரப்பட்டனர். இருவரிடமும் மத்திய குற்றப்பிரிவு போலீசார் விசாரணை நடத்த உள்ளனர்.