நீட் தேர்வில் மாநில முதலிடம் பிடித்த மாணவி ஸ்ருதி

நடைபெற்று முடிந்த நீட் தேர்வில் தமிழகத்திலேயே அதிக மதிப்பெண் பெற்று முதலிடம் பிடித்த மாணவி ஸ்ருதிக்கு பலர் பாராட்டு தெரிவித்துள்ளனர்.

2018 -19 ஆம் ஆண்டு நடத்தப்பட்ட மருத்துவ நுழைவுத் தேர்வான நீட் தேர்வில் முடிவுகள் நாடுமுழுவதும் வெளியானது. இதில், தமிழக அளவில் சுருதி என்ற மாணவி முதலிடம் பிடித்து அசத்தினார். இதனையடுத்து, அவருக்கு பலரும் பாராட்டு தெரிவித்து வருகின்றனார். இந்நிலையில், திருவள்ளூர் மாவட்டத்தில் உள்ள தனியார் பள்ளியில் செய்தியாளர்களுக்கு பேட்டியளித்த அவர், தான் வெற்றி பெறுவதற்கு பெற்றோர் முழு ஒத்துழைப்பு கொடுத்ததாகவும், எந்த தேர்வானாலும் கடினமாக உழைத்தால் எளிதில் வெற்றி பெறலாம் எனவும் தெரிவித்தார்.