பொறியியல் மாணவர் சேர்க்கைகான துணை கலந்தாய்வு நாளை தொடக்கம்

பொறியியல் பட்டப்படிப்பில் மாணவர் சேர்க்கைகான துணை கலந்தாய்வு நாளை முதல் தொடங்கவுள்ளது. தொழில்நுட்பக் கல்வி இயக்குநரகம் சார்பில் நடத்தப்படும் பொறியியல் படிப்பில் சேர 1 லட்சத்து 33 ஆயிரத்து 116 பேர் விண்ணப்பித்திருந்தனர். அதில் தகுதியுடைவர்களுக்கு ரேண்டம் எண் வெளியிடப்பட்டு முதற்கட்ட கலந்தாய்வு கடந்த மாதம் 25 ஆம் தேதி தொடங்கி இன்றுடன் நிறைவடைகிறது. இந்நிலையில் மீதமுள்ள இடங்களுக்கான துணை கலந்தாய்வு நாளை தொடங்கி வரும் 30 ஆம் தேதி வரை நடைபெற உள்ளது.

சென்னை தரமணி மத்திய பாலிடெக்னிக் வளாகத்தில் நடைபெற உள்ள நேர்முக கலந்தாய்வுக்கு 6 ஆயிரம் விண்ணப்பித்துள்ளனர். மாணவர்களுக்கு ஒதுக்கப்பட்ட நேரத்தில் தவறாமல் கலந்து கொள்ள வேண்டுமென தொழில்நுட்ப கல்வி இயக்குனரகம் சார்பில் தெரிவிக்கப்பட்டுள்ளது.