ஆந்திராவைச் சேர்ந்த சுதந்திரப்போராட்ட வீரர் உய்யாலவாடா நரசிம்ம ரெட்டியின் வாழ்க்கை வரலாற்றை அடிப்படையாக கொண்டு உருவாகும் திரைப்படம் “சைரா நரசிம்ம ரெட்டி”. இந்த படத்தில் சீரஞ்சிவி, அமிதாப்பச்சன்,விஜய்சேதுபதி, சுதீப், ஜெகபதிபாபு, நயன்தாரா, தமன்னா ஆகிய முன்னணி நடிகர்கள் நடித்துள்ளனர். சிறப்பு தோற்றத்தில் அனுஷ்கா நடித்துள்ளார்.
ஆந்திர சினிமாவில் மிகுந்த பொருட்செலவில் உருவாகியிருக்கும் இப்படத்தினை சீரஞ்சிவியின் மகனும், நடிகருமான ராம்சரண் தயாரித்துள்ளார்.
We are proud to be associated with #SyeRaa the magnum opus release in TN by @SuperGoodFilms_#SyeRaaWithSuperGoodFilms@SrBachchan @DirSurender @IamJagguBhai @KicchaSudeep @VijaySethuOffl @RathnaveluDop @tamannaahspeaks @KonidelaPro #Nayanthara #MegastarChiranjeevi pic.twitter.com/n4hGY2GeLk
— Super Good Films (@SuperGoodFilms_) September 17, 2019
தமிழ், தெலுங்கு, மலையாளம், கன்னடம், இந்தி ஆகிய மொழிகளில் உருவாகும் இப்படத்தினை தமிழ் தயாரிப்பில் சூப்பர் குட் பிலிம்ஸ் நிறுவனம் இணைந்துள்ளதாக அறிவித்துள்ளது. படத்தின் தமிழ்நாட்டின் வெளியீட்டு உரிமையை அந்நிறுவனம் கைப்பற்றியுள்ளது. இப்படத்தின் டிரெய்லர் நாளை வெளியிடப்படுகிறது. மேலும் படமானது அக்டோபர் 2ம் தேதி காந்தி ஜெயந்தியை முன்னிட்டு உலகம் முழுவதும் வெளியாகிறது.
தமிழில் முன்னணி தயாரிப்பு நிறுவனமாக இருந்த சூப்பர் குட் பிலிம்ஸ், கடைசியாக தயாரித்த சில படங்கள் வெற்றி பெறவில்லை. இந்நிலையில் மீண்டும் பெரிய பட்ஜெட் படத்தோடு தமிழ் சினிமாவுக்கு திரும்பியுள்ளது குறிப்பிடத்தக்கது.