பாகிஸ்தான் ஆக்கிரமிப்பு காஷ்மீரின் முசாபராபாத் பகுதியில் போராட்டத்தில் ஈடுபட்ட மாணவர்களை போலீசார் கண்ணீர் புகை குண்டுகளை வீசி கலைத்தனர்.
பாகிஸ்தான் ஆக்கிரமிப்பு காஷ்மீரின் முசாபராபாத் பகுதியில் உள்ள ஆசாத் பல்கலைகழக மாணவர்கள், வாகன நிறுத்தம் அமைக்கக்கோரி, போராட்டத்தில் ஈடுபட்டனர். ஒருகட்டத்தில் மாணவர்களின் போராட்டம் தீவிரமடைந்தது. சாலைகளில் அதிகளவில் திரண்ட மாணவர்கள், தீவிர போராட்டத்தில் ஈடுபட்டனர். இதனால் பல பகுதிகளில் போக்குவரத்து நெரிசல் ஏற்பட்டது.
இதையடுத்து, மாணவர்களை கலைந்து செல்ல போலீசார் அறிவுறுத்தினர். ஆனால், அவர்கள் தொடர்ந்து போராட்டத்தில் ஈடுபட்டதால், அவர்களை கலைக்க, போலீசார் லத்திசார்ஜ் நடத்தினர். மேலும் கண்ணீர்புகை குண்டுகளை வீசியும் அவர்களை கலைத்தனர். இதனால், பல பகுதிகள் வன்முறை களங்களாக காட்சியளித்தன.