திருமயத்தில் வைகுண்ட ஏகாதசியை முன்னிட்டு நடைபெற்று வரும் மாநில அளவிலான பெண்கள் கபாடி போட்டியின் இறுதிப் போட்டி இன்று மாலை நடைபெறவுள்ளது.
புதுக்கோட்டை மாவட்டம் திருமயம் சத்தியமூர்த்தி பெருமாள் கோவில் வைகுண்ட ஏகாதசியை முன்னிட்டு மாநில அளவிலான பெண்கள் கபாடி நடைபெற்று வருகிறது. அரசு ஆண்கள் மேல்நிலைப்பள்ளி திடலில் நடைபெற்றுவரும் இந்த போட்டியில், திருநெல்வேலி, மதுரை, ராமநாதபுரம் உள்ளிட்ட பல்வேறு மாவட்டங்களில் இருந்து 15-க்கும் மேற்பட்ட அணிகளைச் சேர்ந்த 200க்கும் மேற்பட்ட கபாடி வீராங்கனைகள் பங்கேற்றனர். 19 சுற்றுகளாக நடைபெற்று வரும் இந்த கபாடி போட்டியின் இறுதிச் சுற்று இன்று மாலை நடைபெறவுள்ளது. இதில் வெற்றி பெறும் அணிக்கு பரிசு தொகையும், கோப்பைகளும் வழங்கப்படும் என தெரிவிக்கப்பட்டுள்ளது. கபாடிப் போட்டி நடைபெறும் இடம் முழுவதும் கண்காணிப்பு கேமரா மூலம் திருமயம் காவல்துறையினர் கண்காணித்து வருகின்றனர்.