நாகையில் மாணவ மாணவிகள் பங்கேற்ற மாநில அளவிலான நீச்சல் போட்டி

நாகையில் மாணவ மாணவிகள் பங்கேற்ற மாநில அளவிலான நீச்சல் போட்டி நடைபெற்றது.

11 வயது முதல் 20 வயது வரையிலான மாணவ மாணவிகளுக்காக, நாகையில் நடைபெற்ற நீச்சல் போட்டியில், திருச்சி, தஞ்சாவூர், மதுரை, சேலம், ஈரோடு உள்ளிட்ட தமிழகத்தின் 20 மாவட்டங்களைச் சேர்ந்த 16 அணியினர் பங்கேற்றனர். தனியார் அமைப்பு சார்பில் நடத்தப்பட்ட இந்த போட்டி, நாகை மாவட்ட விளையாட்டு அரங்கில் நடைபெற்றது. சனிக்கிழமை தொடங்கி 2 நாட்களாக நடைபெற்ற இந்த நீச்சல் போட்டிகளில், லேசர் ரன், ரைலத்தான், பையத்தான் உள்ளிட்ட 3 பிரிவுகளாக போட்டிகள் நடத்தப்பட்டன. மாநில அளவில் நடைபெறும் இந்த போட்டிகளில், முதல் இரண்டு இடங்களை பிடிக்கும் அணியினர், ஜூலை 19 மற்றும் 20 ஆகிய தேதிகளில் புனேவில் நடைபெறும் தேசிய அளவிலான நீச்சல் போட்டியில் பங்கேற்க உள்ளனர்.