கேளம்பாக்கத்தில் தனியார் பள்ளியில் நடைபெற்ற மாநில அளவிளான வினாடி – வினா போட்டியில் ஆயிரக்கணக்கான மாணவ-மாணவியர் கலந்துகொண்டனர்.
செங்கல்பட்டு மாவட்டம் கேளம்பாக்கத்தில் உள்ள தனியார் பள்ளியில் தனியார் அமைப்பு சார்பில் மாநில அளவிலான கணிதம் மற்றும் அறிவியல் வினாடி- வினா போட்டிகள் நடைபெற்றது. இதில் சென்னை, வேலூர், புதுச்சேரி, செங்கல்பட்டு உள்ளிட்ட மாவட்டங்களில் இருந்து, 250 அரசு மற்றும் தனியார் பள்ளிகளைச் சேர்ந்த பதினோராயிரம் மாணவ – மாணவியர்கள் பங்கேற்றனர். அவர்களுக்கு மூத்தோர், இளையோர் என இரு பிரிவுகளில் தகுதி தேர்வுகள் நடத்தப்பட்டு மூன்று சுற்றுகளாகப் போட்டிகள் நடைபெற்றது. இதில் முதல் இடத்தைப் பிடித்த பள்ளிகளைச் சேர்ந்த மாணவ மாணவியருக்கு, பரிசுகளும், ஊக்கத்தொகையும் வழங்கப்பட்டது.