ஈரோடு மாவட்டத்தில் கோயில் திருவிழாவை முன்னிட்டு நடைபெற்ற மாநில அளவிலான கபடி போட்டியில், வெற்றி பெற்றவர்களுக்கு வெற்றி கோப்பை, பரிசுத் தொகை வழங்கப்பட்டது.
கோபிசெட்டிபாளையத்தில் தான்தோன்றியம்மன் கோயிலில் 8ஆம் ஆண்டு திருவிழா நடைபெற்றது. இதனை முன்னிட்டு ஈரோடு, திருப்பூர், கோவை உள்ளிட்ட 110 அணிகள் பங்கேற்ற மாநில அளவிலான கபடி போட்டி நடத்தப்பட்டன. இரண்டு நாட்கள் பகல், இரவு ஆட்டங்களாக நடைபெற்ற இந்த போட்டிகளில் 7 குழுவில் புள்ளிகள் அடிப்படையில் கால் இறுதிப்போட்டிக்கு 8 அணிகள் முன்னேறின. இதனை தொடர்ந்து இறுதிபோட்டிக்கு முன்னேறிய ஈரோடு தங்கரதம் அணி 8 க்கு 13 என்ற புள்ளி அடிப்படையில் வெற்றி பெற்றது. இந்த அணிக்கு பரிசுத்தொகையாக 5001 ரூபாயும், கோப்பையும் வழங்கப்பட்டது.