சேலத்தில் மாநில அளவிலான ஆணழகன் போட்டி

சேலத்தில் மாநில அளவிலான ஆணழகன் போட்டி நடைபெற்றது.

சேலம் மாவட்டம் பிட்னெஸ் ஆணழகன் சங்கம் சார்பில் மாநில அளவிலான ஆணழகன் போட்டி நடைபெற்றது. இதில் 55, 60, 65 ,70, 75, 80 கிலோ மற்றும் 80 கிலோவுக்கும் மேற்பட்ட எடை பிரிவுகளில் 7 பிரிவுகளில் போட்டிகள் நடத்தப்பட்டன.

இதில் தமிழகத்திலிருந்து பல்வேறு மாவட்ட போட்டியாளர்கள் 150க்கும் மேற்பட்டோர் கலந்து கொண்டு உடல் கட்டமைப்பை காட்டி பார்வையாளர்களை பிரமிக்க செய்தனர்.

மாஸ்டர் பிரிவு போட்டிகளில் 60 வயதிற்குட்பட்டோர்கள் பலர் பங்கேற்றனர். இதில் 61 வயதான குணசேகரன் என்பவர் முதல் பரிசை பெற்றார். ஒவ்வொரு எடை பிரிவிலும் முதல் 3 இடங்களை பிடித்தவர்களுக்கு பரிசுகள், கேடயங்கள் மற்றும் ரொக்க பரிசுகள் வழங்கப்பட்டன.