இரட்டை வேடம் போடும் ஸ்டாலினை கண்டித்து போராட்டம் அஇஅதிமுக சார்பில் போராட்டம்!!!

மதுபான கொள்கையில், தமிழகம் மற்றும் புதுச்சேரியில் இரட்டை வேடம் போடும் ஸ்டாலினைக் கண்டித்து, புதுச்சேரியில் அஇஅதிமுக சார்பில் போராட்டம் நடைபெற்றது. தமிழகத்தில், ஊரடங்கு காரணமாக மூடப்பட்ட மதுபானக் கடைகள் மீண்டும் திறக்கப்பட்ட போது, திமுக தலைவர் ஸ்டாலின் எதிர்ப்பு தெரிவித்து போராட்டம் நடத்தினார். தற்போது, புதுச்சேரியில் தி.மு.க. அங்கம் வகிக்கும் காங்கிரஸ் அரசு மதுபான கடைகளை திறந்துள்ளது. இதற்கு திமுக தலைவர் ஸ்டாலின் அமைதி காப்பது, அவரது இரட்டை வேடத்தை வெட்ட வெளிச்சமாக்கியுள்ளது. இதனை கண்டித்து புதுச்சேரியில் அஇஅதிமுக சார்பில் கறுப்பு பலூன் விடும் போராட்டம் நடத்தப்பட்டது. முத்தியால்பேட்டை அஇஅதிமுக அலுவலகத்தில் நடந்த போராட்டத்தில் அஇஅதிமுக சட்டமன்ற கொறடா வையாபுரி மணிகண்டன் மற்றும் நிர்வாகிகள் முகக் கவசம் அணிந்து சமூக இடைவெளியுடன் போராட்டம் நடத்தினர்.