புகழ்பெற்ற சென்னை மயிலாப்பூர் கபாலீசுவரர் கோயிலில் மழை வேண்டி சிறப்பு யாகம் நடைபெற்றது. தமிழகம் முழுவதும் போதிய அளவு மழை பொழியாததால் நீர் கிடைக்காமல் பொதுமக்கள் பெரும் சிரமங்களை சந்தித்து வருகின்றனர். இந்தநிலையில் மக்களின் நலனை கருத்தில் கொண்டு தமிழகம் முழுவதும் அரசின் கட்டுப்பாட்டில் உள்ள கோயில்களில் மழை வேண்டி சிறப்பு யாகங்கள் நடத்துமாறு இந்து சமய அறநிலையத்துறை உத்தரவிட்டது.
இதன் ஒருபகுதியாக சென்னை மயிலாப்பூரில் உள்ள புகழ் பெற்ற கபாலீசுவரர் கோயிலில் மழை வேண்டி சிறப்பு யாகம் நடைபெற்றது. நவ கலச ஸநபநம், பர்ஜன சாந்தி மந்திரங்கள், வருண சூத்திர ஜபம், வருண காயத்திரி மந்திரங்கள் முழங்க நடைபெற்ற யாகத்தில் கோயில் இணை ஆணையர் காவேரி உள்ளிட்டோரும் பங்கேற்றனர்.