நாகர்கோவில்-தாம்பரம் இடையே சிறப்பு ரயில் இயக்கம்

தொடர் விடுமுறை முடிவடைந்ததை முன்னிட்டு, நாகர்கோவில் – தாம்பரம் இடையே சிறப்பு ரயில்கள் இயக்கப்படுவதாக தென்னக இரயில்வேயின் மதுரை கோட்ட மேலாளர் அறிவித்துள்ளார்.

தொடர் விடுமுறை முடிவடைந்துள்ளதால், பயணிகளின் சிரமத்தை குறைக்கும் விதமாக, நாகர்கோவில் – தாம்பரம் மற்றும் தாம்பரம் – நாகர்கோவில் இடையே சிறப்பு ரயில் இயக்கப்படுகிறது. நாகர்கோயிலில் இருந்து தாம்பரத்திற்கு இன்று மாலை 5 மணிக்கு புறப்படும் ரயில், நாளை காலை 6.30 மணிக்கு தாம்பரத்தை வந்தடைகிறது. இதேபோல், தாம்பரத்தில் இருந்து நாளை காலை 10.40 மணிக்கு புறப்படும் ரயில், மறுநாள் அதிகாலை 12.45 மணிக்கு நாகர்கோவில் சென்றடையும் என தென்னக இரயில்வே மதுரை கோட்ட மேலாளர் அறிவித்துள்ளார்.