தமிழகத்தில் உள்ள அனைத்து வாக்குச்சாவடிகளிலும் இன்று இரண்டாவது நாளாக வாக்காளர் பெயர் சேர்ப்பு முகாம் நடைபெறுகிறது.
தமிழகம் முழுவதும் இறுதி வாக்காளர் பட்டியல் கடந்த ஜனவரி 31-ம் தேதி வெளியிடப்பட்டது. இந்நிலையில், பிப்ரவரி 23 மற்றும் 24 ஆகிய இரண்டு நாட்கள் வாக்காளர் பெயர் சேர்ப்பு சிறப்பு முகாம் நடத்தப்படும் என்று தமிழக தலைமை தேர்தல் அதிகாரி அறிவித்திருந்தார். அதனடிப்படையில் நேற்று வாக்காளர் பெயர் சேர்ப்பு சிறப்பு முகாம் நடைபெற்றது. ஏராளமான புதிய வாக்காளர்கள் தங்கள் பெயரை ஆர்வமுடன் வாக்காளர் பட்டியலில் சேர்க்க விண்ணப்பித்தனர்.
இந்த சிறப்பு முகாம்களில் வாக்காளர் பட்டியலில் பெயர் சேர்த்தல், நீக்குதல், திருத்தம் ஆகியவை நடைபெறுகிறது. நாடாளுமன்ற தேர்தல் வரவிருப்பதால் இந்த வாய்ப்பினை அனைவரும் பயன்படுத்திகொள்ள தேர்தல் ஆணையம் கேட்டுக்கொண்டுள்ளது.